Roi, da peña do Valencia no Carballiño: “Se perdemos, non saio da casa nun mes”
Roi, da peña do Valencia no Carballiño: “Se perdemos, non saio da casa nun mes”
Unha familia da vila forma a única peña do club 'che' que existe en Galicia
Creárona en agradecemento ao presidente das peñas valencianistas
Por Zona mixta da Radio Galega pasaron pai e fillo, membros da Peña Valencianista do Carballiño. Claudio Mateo e o seu fillo Roi decláranse moi moi valencianistas:
Claudio: “No medio dos dous mil de hoxe estaremos uns poucos de branco”
Roi: "Somos unha peña familiar, vendo os partidos do Valencia somos entre dous e a frioleira de catro persoas no bar"
Convencidos da vitoria 'che'
Non teñen dúbida ningún dos dous, e o fillo incluso aposta por un 0-5 para estar tranquilos, porque, no caso contrario "non saio da casa"
O pai, igualmente convencido pensa nun 0-3 cando menos e apunta sobre unha posible vitoria do Arenteiro que "se teño que saír será para ir ao traballo, non por ganas"
O xermolo da peña
A peña, contáronnos, formouse pola relación que estableceron, case casual, cun directivo da asociación de peñas do Valencia
Ao pai non lle gusta o fútbol
Curiosa historia a de Claudio e Roi porque o fillo, de vinte anos, é o que meteu o verme do valencianismo ao pai
Claudio: "A min nin me gustaba o fútbol, fíxenme do Valencia por Roi, que é moi afeccionado"
