Ribas de Sil, no sur de Lugo, acada a temperatura máis alta de Galicia, 43º
Está entre as máximas de España xunto a Badaxoz
Varia zonas do interior da comunidade quedaron, unha xornada máis, por riba dos 40
En plena vaga de calor, chega a tarde e as rúas quedan desertas en Ourense. Agardábanse temperaturas por riba dos 42 graos pero, finalmente, os termómetros quedaron un chisco por riba dos 40. Si subiron ata os 43 graos en San Clodio, no concello lugués de Ribas de Sil. Trátase da máxima de Galicia e unha das temperaturas máis altas de España xunto a Badaxoz.
Na comarca lindeira, a de Valdeorras, tamén se deixou notar a calor abafante este domingo cos termómetros por riba dos 41. Máis de 40 houbo noutras zonas como a de Monforte ou Verín, ademais de na cidade das Burgas. Tras máis dunha semana de vaga de calor, os problemas para durmir ou o cansazo son a principal queixa dos veciños que buscan refuxio nos ríos ou piscinas.
