Rescatan dous tripulantes dun pesqueiro que embarrancou no Cabo Vilán

O pesqueiro María Cristina, de Laxe, embarrancou nas proximidades do Cabo Vilán.

Os dous tripulantes atópanse en bo estado e foron trasladados a Camariñas a bordo do pesqueiro A Fervenza. Ao chegar á vila quedarán baixo observación médica. 

O Centro de Coordinación de Salvamento de Fisterra mobilizou as embarcacións Salvamar Altair e LS Carmé da Cruz Vermella para realizar o recoñecemento da zona do sinistro.