Rescatada unha bañista en Xixón arrastrada pola corrente

A punto estivo de custarlle a vida un baño no mar a unha veciña de Xixón. Viuse atrapada pola forte marusía e tres bombeiros tiveron que meterse na auga para prestarlle un primeiro auxilio.

A corrente impediulles completar o rescate e foi necesaria a intervención do Helimer. Con moita dificultade, conseguiron sacar a moza e levala a un hospital.

Os bombeiros puideron saír polos seus propios medios da auga entre os aplausos da xente que presenciaba a operación. O aviso laranxa tamén está activado na costa asturiana.