Recuperan 12.000 pezas arqueolóxicas en Cáceres con máis de 100.000 anos de Historia
Detido un arqueólogo, acusado da espoliación, que mesmo chegou a "restaurar" algunha con pegamento
Axentes da policía nacional recuperaron en Cáceres uns 12.000 obxectos arqueolóxicos de gran valor histórico da Península e que contan cun alto interese científico e gran valor económico.
A operación saldouse coa detención dun arqueólogo que mesmo chegou a "restaurar" algunha peza valiosa con masilla branca e pegamento de xeito improcedente.
As pezas espoliadas pertencen a un arco cronolóxico que abrangue máis de 100.000 anos de historia da Península Ibérica e entre os obxectos están lousas visigodas, fíbulas, restos de cerámicas, pezas de instrumental médico de cultura romana, milleiros de moedas de diferentes épocas e culturas, pezas de industria lítica, follas de armas romanas e un revólver histórico.
A investigación comezou cando os axentes souberon dunha persoa que estaba en posesión dunha cantidade considerable de lousa de orixe visigoda de escritura, debuxo e numerais, todas elas procedentes de espolio e cun gran valor histórico. A particularidades das lousas é que se trataba de materiais orixinais e que pertencían a unha época da que se conservan escasas referencias escritas. O home mesmo participou en prospeccións arqueolóxicas.
Detido un arqueólogo por delitos contra o patrimonio histórico
As pescudas permitiron identificar e localizar á persoa que tiña as pezas nunha localidade de Cáceres. Ademais chegou a publicar algún artigo en revistas especializadas sobre as súas investigacións. Tras un rexistro no seu domicilio, axentes especializados en Patrimonio Histórico detiveron o individuo investigado pola súa suposta implicación en delitos contra o patrimonio e a apropiación indebida.
Pezas de alto interese científico e valor económico
No rexistro recuperáronse gran cantidade de obxectos arqueolóxicos. Ademais do valor económico, entre as pezas hai algunhas de alto interese científico e histórico, que está mermado pola perda do contexto arqueolóxico. O arco cronolóxico en que se crearon os obxectos intervidos abrangue máis de 100.00 anos de Historia da Península Ibérica.
