Reclaman máis medios na homenaxe aos gardas civís mortos en Barbate hai un ano
Ademais de honrar a súa memoria, en varios actos, tamén en Cádiz, reclamáronse máis medios
Os veciños apuntan que continúan os problemas de seguridade nesa zona da costa andaluza
A abordaxe da narcolancha acabou coas vidas de David Pérez Carracedo e Miguel Ángel González Gómez o 9 de febreiro de 2024. Aquelas imaxes que impactaron a sociedade española e xeraron denuncias polos medios cos que contaban os axentes fronte aos delincuentes.
Sucedeu no porto de Barabate, e alí rendéronlles homenaxe. O seu alcalde, Miguel Molina, insistiu en que "o seu sacrificio non pode nin debe ser esquecido e obríganos a seguir esixindo xustiza e recoñecemento para aqueles que cada día poñen a súa vida en risco para protexernos".
Ademais de honrar a súa memoria, en varios actos, tamén en Cádiz, reclamáronse máis medios. Alcalde de Barbate esixiu "que doten ás forzas e corpos de seguridade do estado dos medios necesarios para combater con eficacia e seguridade as redes criminais que ameazan a nosa convivencia".
Tamén os veciños apuntan que continúan os problemas de seguridade nesa zona da costa andaluza. En setembro, foi detido o home que presuntamente conducía a lancha que arremeteu contra a zódiac dos gardas civís. Este domingo haberá unha ofrenda floral no porto de Barbate, onde sucederon os feitos.
