Rafa Nadal despídese do Aberto de Australia minguado por unha lesión

O soño de repetir triunfo no Aberto de Australia esvaeceuse para Rafa Nadal. As sensacións nos torneos previos non estaban a ser as mellores, pero sempre que chega un Grand Slam aparece a mellor versión do tenista español.

Non aconteceu, e, desta volta, quedou eliminado na segunda rolda diante de McDonald por un contundente 4-6, 4-6, 5-7. Os problemas físicos de Rafa Nadal, de 36 anos, notáronse desde o comezo do partido e acentuáronse no segundo set, cando tivo que ser atendido polas asistencias. 

Malia todas as adversidades, Nadal non quixo retirarse e pelexou na pista por despedirse do mellor xeito de Australia.