Que facer se quedamos atrapados nun ascensor?

"O primeiro consello é manter a calma, é frecuente que haxa ataques de ansiedade ou claustrofobia nestes casos. Despois premer o botón de alarma da compañía do ascensor para que se encarguen de resolver o problema. Se non funciona ou non atenden, chamar aos equipos de emerxencias do 112. E se non temos teléfono ou non damos contactado teremos que tentar que os veciños se decaten, sen berrar moito para non asustar os que poidan estar nerviosos xunto a nós. E o que nunca se debe facer é tentar forzar a porta e saír polos propios medios, nin desde dentro nin os veciños desde fóra, é perigoso", explica Francisco Manuel Sampedro, sarxento do parque de bombeiros de Boiro.