Quagliata, emocionado coa afección do Dépor: "Hai unha paixón incrible polo equipo"

Giacomo Quagliata caeu de pé en Riazor. A súa entrega no campo e a paixón que imprime no seu xogo casan cunha afección da que recoñece xa namorarse.

"É unha cousa fermosa xogar neste estadio, as persoas teñen unha paixón incrible polo equipo", expresa en conferencia de prensa.

Este sábado, o Dépor visitará Ipurua, onde espera "dar guerra" para levar os tres puntos. O italiano atravesa un bo momento e converteuse en titular, polo menos nas últimas semanas. Sabía, antes de chegar, que "habería competencia na posición" con Sergio Escudero, quen partiu de inicio no primeiros catro encontros.

O cambio de sistema permitiulle asaltar a titularidade e Hidalgo pídelle "agresividade e mobilidade" e unha dose de "competitividade".

Cando ataca, móstrase moi longo, e cando defende, é un máis na liña de cinco.

"O meu rol baséase en atopar a miña mellor situación, pode ser un pouco alto ou máis baixo, segundo o rival".