Puente di que o carril onde se accidentou o tren Iryo é novo e achega un certificado

O ministro de Transportes, Óscar Puente, asegura que o carril roto onde se produciu o descarrilamento do tren Iryo en Adamuz é un carril novo, e achegou fotos e un certificado que, segundo el, así o demostran.

A través dunha mensaxe en X, Puente afirmou que o artigo que publica este domingo El Mundo na súa portada é "un bulo como unha catedral".

Nel afírmase que a zona na que descarrilou o tren Iryo o pasado domingo é un punto de unión entre material novo e vías sen renovar desde 1989, un dato que contradiría a versión dada por Puente de que toda a vía é nova.

O ministro acompañou a súa mensaxe do certificado de carril novo, que foi fabricado en 2023 e instalado durante maio e xuño de 2025.

Pasan os anos e todo segue igual: desgraza, seguida de intoxicación", afirmou Puente, quen pediu que se pare de "desinformar" e se deixe traballar.

"Bastante temos xa con esclarecer isto e solucionar os problemas que isto carrexa, como para ter que dedicarnos constantemente a desmentir falsidades", insistiu.

¡INFORMACION RELEVANTE!
De nuevo un BULO como una catedral, y en portada. Pasan los años y todo sigue igual: desgracia, seguida de intoxicación. El carril roto por el que se produce el descarrilamiento es un carril nuevo. En concreto el número 312592Y101. Acompaño fotos y nota de… https://t.co/wJ9HyEgcED pic.twitter.com/dGpeAYta88

— Óscar Puente (@oscar_puente_) January 25, 2026

Nunha segunda mensaxe, o ministro de Transportes achegou máis certificados para demostrar que o carril de Arcelor Mittal ten o seu certificado de inspección de pasar todas as comprobacións necesarias. 

Óscar Puente di: "infórmolles, antes de que o pregunten", que o carril en cuestión ten o seu certificado de inspección de pasar todas as comprobacións químicas, mecánicas, metalográficas, de ecuación preditiva, de dureza e de choque e impacto.

Puente explica que todas estas comprobacións son obrigatorias para estes materiais antes da súa posta en servizo, como o demostran os certificados do fabricante que inclúe na súa mensaxe.

E engade que "todos os carrís de Arcelor Mital levan a marca Ensidesa, porque é a súa marca comercial, sexan do ano que sexan". 

Y les informo, antes de que lo pregunten, que el carril de Arcelor Mittal de 2023 312592Y101 tiene su certificado de inspección de haber pasado todas las comprobaciones químicas, mecánicas, metalográficas, de ecuación predictiva, de dureza y de choque e impacto, que son… https://t.co/p3cJMZXT1Q pic.twitter.com/T4BS8sLHck

— Óscar Puente (@oscar_puente_) January 25, 2026