Pol Bueso: "Sen unha ambulancia, un partido non pode comezar"
Pol Bueso: "Sen unha ambulancia, un partido non pode comezar"
Bueso sufriu unha escordadura cervical e non era capaz de mover os brazos e as pernas
Pasaron 24 horas desde o susto que lle puido custar moi caro ao xogador do Arenteiro Pol Bueso. O central alacantino relatou que estivera consciente en todo momento pero non era capaz de mover os brazos nin as pernas.
Bueso quixo agradecer o trato que tiveran os sanitarios e o Guijuelo, pero mandou unha mensaxe contundente: "Agardo que as autoridades tomen medidas; sen unha ambulancia, un partido non pode comezar".
O xogador estivo tirado no campo durante vinte minutos baixo a chuvia: "Son momentos de moito apuro, estiven ben atendido en todo momento pero imaxina que chego a necesitar un traslado urxente. Igual non estabamos falando".
Bueso sufriu unha escordadura cervical: "Foi un lategazo, o corpo protéxese e desconéctanse as extremidades. É como o KO do boxeador".