Publicador de contidos

Publicador de contidos

Podemos e os socios parlamentarios critican os avais para vivenda aprobados polo Goberno

Podemos e os socios parlamentarios critican os avais para vivenda aprobados polo Goberno

Cren que a medida vai inchar o prezo da vivenda e favorecer os especuladores

PP e Vox apoian estes avais e acusan o PSOE de copiarlles a idea

G24.gal 09/05/2023 14:54 Última actualización 09/05/2023 15:10

Os socios habituais no Congreso coinciden en criticar os novos avais para a vivenda financiados polo ICO, aprobados este martes en Consello de Ministros. Para Gabriel Rufian, de ERC, é "unha mala idea". Mertxe Aizpurua, de EH Bildu, considera que "unicamente beneficia a propietarios, a bancos e a especuladores".

A medida nin sequera gusta aos socios da coalición, a Unidas Podemos. Segundo Pablo Echenique, voceiro do partido no Congreso, vai "inchar" os prezos da vivenda. "Esta é unha medida que chegou a propor Ana Patricia Botín", engadiu.

Pero o PSOE deféndese das críticas. Patxi López, voceiro dos socialistas na cámara baixa, asegura que a presidenta do Banco Santander "non forma parte dos gurús de cabeceira deste goberno, nin do PSOE".

Si apoia a medida Vox, que reclama a súa autoría. "Como dixo Madonna sobre a canción de Lady Gaga, encántame porque a inventei eu", dixo Iván Espinosa de los Monteros ante a prensa.

Tamén a apoia o PP, que aplica medidas semellantes en comunidades nas que goberna, e animan a Pedro Sánchez a seguir copiándolles propostas. Para Alberto Núñez Feijóo, "semella que, como os malos alumnos, o Goberno non fixo os deberes e intenta copiar cando ve que vai suspender o exame".

Partidos á dereita e á esquerda acusan o PSOE de actuar por electoralismo e, ante as críticas, Patxi López pregúntase se "prefiren que fagamos unha campaña só insultándonos uns a outros".

En todo caso, estes avais do ICO non precisan ser convalidados no Congreso.

Publicidade
Publicidade
Publicidade
Publicidade