Plan de vixilancia especial desde este luns de pneumáticos e luces en Galicia
Os axentes prestarán especial atención ao adecuado mantemento destes dous elementos de seguridade do vehículo, tendo en conta a pouca luminosidade e a meteoroloxía desta época
Imaxe de arquivo
A DXT e a Garda Civil de Tráfico en Galicia activan desde este luns un Plan de vixilancia especial de pneumáticos e luces, que se estenderá ata o xoves 29.
Esta campaña desenvólvese na comunidade de Galicia de forma exclusiva e coincide tradicionalmente co paso ao horario de inverno.
Durante estes días, os axentes prestarán especial atención ao adecuado mantemento destes dous elementos de seguridade do vehículo: pneumáticos e luces, tendo en conta a pouca luminosidade desta época, unido ao cambio de hora e a meteoroloxía especialmente adversa destas semanas.
Ao tempo, de intensificarán as mensaxes nos paneis de mensaxe variable situados na estrada para informar as persoas condutoras do desenvolvemento da campaña.
Aproximadamente máis dun millón dos vehículos, un 5%, circulan con defectos graves nas rodas, principalmente por levar unha profundidade do debuxo por baixo do mínimo legal de 1,6 milímetros.
