Ourense e Alcante, conectados polo AVE en cinco horas sen transbordo
Os viaxeiros por primeira vez non terán que cambiar de tren en Madrid, viaxarán directamente e farano en máis ou menos cinco horas
Unha comodidade dende Ourense que non o é tanto para o resto dos viaxeiros galegos que seguen tendo que facer transbordo aquí para poder viaxar en AVE cara á península
Desde o día 13 de setembro de 2022 podemos cruzar a península en cinco horas. Saír de Ourense ás catro e vinte e cinco da tarde e chegar a Alacante ás nove e vinte da noite sen cambiar de tren. É o novo servizo de alta velocidade que acaba de poñer en marcha Renfe.
De Alacante a Ourense xa viñeron directos hoxe, colleron AVE ás 7:10. Ás 12:15 xa estaban en Ourense.
900 quilómetros en alta velocidade que se agardaban para comezos de verán, pero polos que tivemos que agardar ata hoxe polos atrasos nas obras do túnel entre a estación de Chamartín e Atocha.
Os prezos oscilan de media entre os 50 e os 100 euros. Contentos os viaxeiros coa posta en marcha deste novo servizo, pero non de todo. Preguntan para cando a chegada a Galicia dos trens AVRIL. É o único xeito de poder viaxar a Madrid directamente, non só desde Ourense, senón dende calquera das cidades galegas. Piden melloras nos trens de proximidade e máis frecuencias.
Renfe estuda unha conexión directa tamén con Valencia en decembro e nun futuro coas cidades andaluzas de Sevilla e Málaga.
.png)
