Os Rolling Stones dan unha lección de rock no macroconcerto de Madrid
Street Figthting Man foi o tiro de saída da xira europea que conmemora os sesenta anos do grupo
A última lección de inmortalidade dos Rolling Stones durou dúas horas e cuarto
As súas satánicas maxestades corroboraron o seu pacto co demo esta noite en Madrid. Os Rolling Stones comezaron a xira europea que celebra os seus sesenta anos sobre os escenarios en España.
E que pode facer un pobre rapaz senón cantar nunha banda de rock, confesa Mick Jagger, con 78 anos feitos sobre o escenario. Mais, contra o que algúns puideran pensar, o último espectáculo dos Rolling Stones non fai concesións nin cede á nostalxia.
Street Figthting Man foi o tiro de saída da xira europea que conmemora os sesenta anos do grupo. Daquel quinteto inicial que eran só quedan dous: Jagger e Richards, incombustibles, antagónicos, os últimos representantes da era dourada do rock.
No estadio Wanda Metropolitano de Madrid, 50.000 persoas de todas as idades comprobaron que as súas satánicas maxestades non ceden o trono.
Keith Richards, como Jagger, bate ás portas dos oitenta. Ron Wood fixo xusto onte 75 anos. No show houbo un recordo especial para Charlie Watts, o batería, que morreu o ano pasado. A estas alturas, cada xira é temida como a derradeira... dende hai décadas.
Case todos os temas que interpretaron en Madrid teñen máis de 50 anos. A última lección de inmortalidade dos Rolling Stones durou dúas horas e cuarto.
