Luca de la Torre, traspasado ao Charlotte FC

O Celta e Charlotte FC chegaron a un acordo para o traspaso do mediocentro, Luca de la Torre.

O internacional estadounidense incorpórase ás filas do conxunto de Carolina do Norte que compite na Major League Soccer (MLS), despois de xogar cedido a pasada tempada no San Diego FC, tamén da MLS.

Luca de la Torre chegou a Vigo en xullo de 2022 procedente da Eredivissie, concretamente do Heracles Almelo. En total, foron máis de 3.800 minutos, repartidos en 67 encontros, nos que Luca defendeu a camisola celeste achegando catro goles e nove asistencias.