Os funcionarios mobilízanse en toda España pola perda de poder adquistivo
Os funcionarios mobilízanse en toda España pola perda de poder adquistivo
Pídenlle ao Goberno que abra a negociación salarial con este colectivo
Os traballadores das administracións públicas inician mobilizacións en toda España. Protestan por unha situación que afoga os empregados públicos cunha inflación que supera o 8 % con datos do mes de abril.
Os funcionarios cifran sobre un 15 % a perda de poder adquisitivo nos últimos anos. Unha situación laboral que tamén comparten as forzas e corpos de seguridade do Estado, que se suman ás mobilizacións para esixir a súa equiparación salarial coas policías autonómicas.
Os empregados públicos din que se senten maltratados e esíxenlle ao Goberno que inicie de xeito urxente a negociación salarial con este colectivo. Esta é a primeira dunha serie de mobilizacións que o sindicato CSIF ten convocadas para as próximas semanas e non desbotan recorrer a unha folga se o Goberno non atende as súas demandas. As protestas non están apoiadas polos sindicatos CCOO e UXT.