Estados Unidos frea a selección inglesa
O empate déixaos nunha boa situación para cumprir os seus obxectivos na última xornada
Viña de ser unha das sensacións na primeira xornada do Mundial cunha exhibición de fútbol ofensivo. Inglaterra tentaba sentenciar o pase aos oitavos de final como primeira de grupo e podía facelo cun triunfo ante Estados Unidos. Pero o equipo americano saíu túzaro e presentou dura batalla, tanto que mesmo dispuxo dalgunha ocasión para gañar o partido.
🗽 Estados Unidos, sin ningún complejo de inferioridad ante los inventores del fútbol
— Gol Mundial (@Gol) November 25, 2022
🤏 ¡Pulisic tuvo el gol a tocar con este disparo al larguero!#GolMundial pic.twitter.com/hfP66FKAVJ
Nun encontro en que predominou a intensidade e o ritmo, os achegamentos con perigo sobre as porterías non estiveron ao mesmo nivel que no resto de zonas do campo. Viuse unha boa primeira metade e unha segunda en que os equipos estiveron máis temerosos, sobre todo a partir do minuto 70, cando deixaron de arriscar á procura do gol.
Seguramente tanto Inglaterra coma Estados Unidos botaron contas e o empate non é tan malo para os seus respectivos obxectivos. Inglaterra será primeira de grupo se lle gaña a Gales e mesmo lle podería valer un empate. Estados Unidos xogarao todo a unha carta. A vitoria ante Irán méteos en oitavos.
