Os desertos médicos, problema en alza que afecta principalmente a hospitais comarcais
O Consello Xeral de Colexios Oficiais Médicos alerta que as áreas de difícil cobertura dificultan o acceso á atención sanitaria
Propoñen incentivos para atraer médicos a estes desertos médicos
Os colexios de médicos advirten do problema crecente que supoñen en España as áreas de difícil cobertura. Un informe analiza estes desertos médicos, que dificultan o acceso da poboación aos servizos de saúde, e afectan principalmente ás dúas Castelas, Aragón en Andalucía.
A vogalía de Médicos Novos propón mellorar as condicións laborais dos facultativos, ofrecerlles vantaxes fiscais e incentivar as prácticas de grao en zonas de difícil cobertura. Din que o problema se vai agudizar na próxima década, e advirten de que non se limita ás zonas rurais.
"Non só é un problema dos ámbitos rurais. Existe en cidades con densidade alta e é unha problemática nos hospitais comarcais, que teñen dificultade para reter talento e contratar médicos especialistas", asegura a vicepresidenta do Consello Xeral de Colexios Médicos.
