Publicador de contidos

Publicador de contidos

Os candidatos á alcaldía da Coruña apelan á participación dos cidadáns

Os candidatos á alcaldía da Coruña apelan á participación dos cidadáns

Pasarán a xornada en familia, descansando antes da noite electoral

G24.gal 28/05/2023 14:01

O candidato do Partido Popular votou no colexio electoral instalado no Palacio da Ópera. Miguel Lorenzo apelou á participación dos coruñeses.

"O importante é que todo saia ben, que a xente exerza o seu dereito ao voto en liberdade e que o resultado sexa bo para A Courña e para os coruñeses".

Aspira a renovar o goberno socialista na Coruña. Inés Rey votou no instituto de Zalaeta e animou a toda a cidadanía a exercer este dereito.

"O exercicio do dereito ao voto que tantos anos custou conseguir neste país creo que merece que hoxe teñamos unha participación masiva, ademais, o día acompaña a dar un paseo e vir votar". 

Enviou a mesma mensaxe o cabeza de lista da Marea Atlántica. Xan Xove depositou a súa papeleta no instituto Rosalía Mera.  

 "Hoxe é o día da Coruña. Esperamos unha gran participación e que a xornada se desenvolva dunha maneira pacífica e marabillosa, como sempre son estes días".

Francisco Jorquera repite como candidato do BNG. Votou no seu barrio, no Castrillón. Pediulles aos cidadáns que sexan esixentes cos representates que elixan. 

"Animo a todos e a todas a que voten e que sexan esixentes cos seus representantes, que logo esixa o cumprimento dos compromisos e que rendan contas". 

Os candidatos pasarán o día en familia e entre amigos ata que pechen os colexios e comece o reconto. Día repousado antes dunha noite inevitablemente intensa.

Publicidade
Publicidade
Publicidade
Publicidade