Os beneficios para a saúde no Día Internacional do Ioga
Unha ferramenta útil para combater a tensión, a ansiedade e a depresión, e tamén o sedentarismo
Con centos de anos de historia, o ioga é unha práctica saudable que, segundo os que a practican, contribúe a conseguir un equilibrio entre a mente e o corpo. Para dar a coñecer os seus beneficios hoxe celébrase en todo o mundo o Día Internacional do Ioga, e os que fan ioga animan a que o coñezamos.
O ioga é unha práctica milenaria física, mental e espiritual orixinaria da India que simboliza a unión do corpo e a mente. Hai diferentes xeitos de practicala e cada vez ten máis seguidores en todo o mundo.
Ademais, a pandemia revelouna como unha ferramenta útil para combater a tensión, a ansiedade e a depresión e tamén o sedentarismo.
De feito, moita xente achégase a esta práctica para buscar un alivio á tensión, que se agudizou coa pandemia.
Desde o ano 2014 a Organización das Nacións Unidas decretou este 21 de xuño, coincidindo co solsticio de verán, o Día Internacional do Ioga para dar a coñecer e concienciar a sociedade dos seus beneficios.
Un proceso na procura do propio equilibrio e a calma.
No Día Internacional do Ioga, grupos en todo o mundo xúntanse para practicalo e dar a coñecer tamén outras prácticas como o mindfullness.
Ademais, os organizadores de varios centros de ioga de Ourense uníronse nesta xornada para lanzar unha mensaxe de paz e colaborar cunha asociación de persoas refuxiadas de Ucraína. De feito o lema desde ano é: "O ioga para a harmonía e a paz".
