O Tribunal de Contas absolve a Puigdemont e outros 34 procesados polos gastos do 'procés'

O Tribunal de Contas absolveu en aplicación da lei de amnistía o expresidente da Generalitat Carles Puigdemont e outros 34 exaltos cargos do seu Govern procesados polos gastos do procés, tres meses despois de que a xustiza europea avalase a aplicación da lei ao delito de malversación.

Nunha sentenza, á que tivo acceso EFE, o Tribunal acorda absolver os 35 demandados pola Fiscalía e Sociedade Civil Catalá polos gastos do 1-O e a promoción exterior do procés e ordena levantar as fianzas que tiñan impostas os procesados.