O toque de atención dos Montes esperta o Coruxo
Gañou o derbi da xornada no Couto con goles de Andriu e David Añón (0-2)
Estaba moi amolado a semana pasada Jacobo Montes despois de perder ante o Burgos. O toque de atención serviulle, porque o Coruxo reaccionou e logrou a vitoria no campo dun Ourense C. F. que chegaba nun bo momento (0-2).
De moita axuda lles foi marcar aos cinco minutos nun remate de Andriu á saída dun córner. O segundo gol tamén chegou no primeiro tempo nunha xogada de tiraliñas que culminou David Añón. Os ourensáns tiveron un lanzamento ao poste e outra de Rubén Sánchez. Youssef gozou dunha moi clara para marcar o terceiro para o Coruxo.
A segunda metade tivo moito menos ritmo e poucas oportunidades. O Coruxo controlou a ofensiva local e acabou levando os puntos do Couto.
