Publicador de contidos

O subcomité clínico fai un chamamento á prudencia durante a ponte

O subcomité clínico fai un chamamento á prudencia durante a ponte

Preocupa o aumento do ritmo de contaxios en Vigo

A área de Pontevedra sofre unha repunta na véspera dos festivos

G24.gal 03/12/2021 20:04

Dos 7.000 casos de covid de Galicia, 2.000 están na área sanitaria de Vigo. Por segundo día superáronse os 250 novos positivos e non se albisca un cambio de tendencia.

Ante o crecemento do ritmo de contaxios fan un chamamento aos cidadáns para que extremen as medidas anticovid durante a ponte festiva.

"Ter o menor número posible de contactos, de interacción entre persoas, todo iso deberiamos telo moi presente porque a verdade é que todo isto está causando outra vez unha preocupacion importante, moitos contaxios, moitos ingresos", reclamaba o xerente da área sanitaria, Javier Puente

Unha recomendación que o subcomité clínico estende a toda a comunidade onde este xoves a incidencia subiu 22 puntos ata os 262 casos por cen mil habitantes. A área sanitaria de Pontevedra, destino turístico e onde a covid parecía estar a raia, mostra un preocupante cambio de tendencia nas últimas xornadas.

 "Estamos vendo que hai un incremento no número de novos diagnósticos en todos os perfís de idade e sabemos que isto se traduce ao cabo duns días en ingresos hospitalarios" apuntaba Juan Turnes, xefe de hospitalización covid do CHOP. 

Pero o doutor tamén lembraba o impacto positivo das vacinas nesta sexta vaga. "Cos 800 casos que temos  hai 9 ou 12 meses teriamos 60, 70 pacientes ingresados e estamos falando de 22 e sobre todo 3 na UCI.

Nas cidades a peor situación é a de Ourense que roza os 900 de incidencia, seguida de Vigo con algo menos de 400. Santiago e A Coruña son as urbes galegas con menor transmisión da covid.

Publicidade
Publicidade
Publicidade