O Sergas habilita un formulario web para que se rexistren os positivos

Para evitar a saturación do número covid e rebaixar o traballo nos centros de saúde, o Sergas pon en marcha un formulario web para que calquera persoa que dea positivo introduza os seus datos e quede rexistrado no sistema.

Tras esta autodeclaración, os rastrexadores poñeranse en contacto co positivo que tamén aparecera nunha listaxe do médico de cabeceira. O doutor chamará o paciente para tratalo e, se corresponde, tramitar a baixa laboral.