O regreso de dous mitos tres décadas despois de cambiar a historia do Deportivo

Bebeto e Mauro Silva xa están na Coruña. Despois dunha tirapuxa por fin aterraron para seren homenaxeados o sábado no Teresa Herrera. Hai pouco máis de tres décadas, en agosto de 1992 chegaban para cambiar a historia do Deportivo. 

Aquela temporada 92-93 foi o comezo do Superdépor. Liderados pola parella brasileira o equipo coruñés pasou de pelexar por non descender a estar a carón dos grandes. Con Bebeto e Mauro o equipo rozou un título de liga (1994) e acadou unha Copa do Rei (1995).

Bebeto marchou pero Mauro seguiu e non deixou o club ata gañar a tan ansiada liga e participar na Champions demostrando ser un dos mellores centrocampistas defensivos do mundo.