O Racing entra lanzado nas últimas xornadas: leva dez seguidas sen perder

Entra o Racing lanzado nas dez últimas xornadas da Liga. Outras tantas son as que leva sen perder. E xa é segundo. Unha xeira que lembra a do ano pasado. Daquela sumara once invicto e unha soa derrota nas últimas dezaoito.

Heber: "Intentaremos seguir nesta liña. Cando nos deixan correr, sentímonos moi cómodos"

É chave na engrenaxe ferrolá o entendemento do trío de mediapuntas: dúas bandas punzantes, as que percorren Héber e Carlos Vicente, e o bo momento do eumés Luis Chacón polo medio: catorce goles entre os tres.

O Racing é unha máquina engraxada que ten esta semana unha nova proba de altura coa visita ao Córdoba.