O Racing, a ritmo de ascenso directo, pode verse beneficiado polo derbi de Riazor
Os de Cristóbal ascenden á segunda posición e agardan continuar a súa escalada
Poden verse beneficiados do derbi que vai enfrontar a vindeira xornada a Deportivo e Celta B, dous dos seus perseguidores
O Deportivo caeu en León ante un rival que non gañara nas últimas oito xornadas. Os coruñeses só se impuxeron nun partido dos últimos seis que xogaron lonxe de Riazor, e ante a Cultural, Óscar Cano, co 0-1, prescindiu do seu home gol. Unha decisión que Quiles non entendeu.
Dese ambiente revolto tentará tirar proveito o domingo o Celta B, que vai chegar a Riazor coma un foguete. O derbi pode beneficiar un Racing de Ferrol, que logo de golear o Raio Majadahonda na Malata xa é segundo clasificado, un punto por diante do Deportivo. O racinguismo volve estar ilusionado co seu equipo.
E por abaixo, o Pontevedra suma dúas vitorias consecutivas e xa non ve a salvación coma unha quimera.
