O PSdeG mantén a aposta por Besteiro
O PSdeG mantén a aposta por Besteiro
A Executiva dos socialistas galegos reuniuse para analizar os resultados electorais
O secretario xeral sinalou que haberá cambios
Besteiro agradece o apoio recibido e asegura que se abre unha nova etapa "con ilusión e compromiso"
O líder do PSOE galego, Valentín González Formoso, recoñoceu os malos resultados que a formación obtivo nas eleccións, pero reiterou este mércores o apoio ao candidato co que os socialistas concorreron ás eleccións do 18 de febreiro, José Ramón Gómez Besteiro.
“A nosa aposta segue sendo Besteiro. O noso futuro pasa por Besteiro”, sinalou o dirixente socialista na primeira reunión que mantén a Executiva do PSdeG despois dos comicios do 18 de febreiro en que os socialistas cultivaron o seu peor resultado histórico e perderon cinco dos catorce deputados que tiñan.
"Haberá cambios no PSdeG"
Con todo, Formoso sinalou que haberá “cambios” no PSdeG, aínda que a aposta clara é “a tranquilidade” para fortalecer o partido, afirmou. “Imos facer as cousas ben e aprender dos erros do pasado”, sinalou Formoso.
O secretario xeral do PSdeG, atribuíu este resultado a "múltiples" causas, nun contexto de "polarización política clara" e en que tanto o BNG como o PP presentaban "candidatos consolidados".
Neste sentido, dixo que Besteiro tivo "escaso tempo" para darse a coñecer, con só "un mes e medio" para poder explicar o seu proxecto para Galicia.
_frame_5592.png)
