Jesús López Romalde, profesor de microbioloxía da USC, considera que será unha boa noticia se a gravidade da variante ómicron é menor

O profesor de microbioloxía da USC Jesús López Romalde considera sorprendente o último informe do Centro Europeo para o Control e Prevención de Enfermidades.

Respondía deste xeito ao organismo comunitario, que asegura que é moi probable que a variante ómicron cause máis hospitalizacións e mortes que a actual dominante, a delta.

O Centro Europeo para o Control e a Prevención de enfermidades engade que o aumento da transmisibilidade e o crecemento dos casos superarán calquera beneficio desa gravidade potencialmente reducida.

Con todo, o profesor Romalde di que está por demostrar a gravidade desta variante; se é menor, será sempre unha boa noticia dentro do malo.