O presidente de Portugal, Rebelo de Sousa descarta disolver o Parlamento

O presidente de Portugal, o conservador Marcelo Rebelo de Sousa, descartou este xoves disolver o Parlamento e convocar eleccións anticipadas pola crise política que o mantén enfrontado co primeiro ministro, o socialista António Costa, despois de que este se negase a prescindir dun ministro.

Rebelo de Sousa sinalou nunha mensaxe á nación que, a pesar das diverxencias co primeiro ministro, preferiu "garantir a estabilidade nacional" e descartar escenarios que impliquen ir ás urnas, aínda que avisou de que estará "máis atento" á "responsabilidade política" dos gobernantes.

Máis atento

Aínda así, avisou de que estará "máis atento e interveniente" no día a día para garantir a "responsabilidade política" dos gobernantes. "Espero poder contar coa sensatez, o sentido de Estado e o patriotismo de todos", insistiu nun duro discurso.

"Responsabilidade é máis que pedir desculpas", e o problema "non desaparece dicindo que xa pasou, nunca pasa", afirmou. A confrontación entre o presidente e o primeiro ministro xurdiu por mor dunha nova polémica con TAP.

Rebelo de Sousa xa manifestara que non estaba de acordo coa decisión de Costa de manter en funcións o ministro de Infraestruturas João Galamba, salpicado por unha nova polémica pola aeroliña TAP.