O presidente da Xunta: "Perseguiremos ata o final" todos aqueles que están provocando incendios

O presidente da Xunta, Alfonso Rueda, agradeceu este martes o enorme labor que están facendo en todos os incendios de Galicia os equipos de loita contra o lume. Tivo unha especial lembranza para os tres brigadistas forestais feridos en Oímbra que permanecen hospitalizados, dous por queimaduras e un por un esvaecemento.

Rueda tamén asegurou que se ve a intencionalidade na maioría dos incendios e que se perseguirá ata o final aquelas persoas que planten lume.

O presidente galego fixo estas declaracións na súa visita deste martes ao centro operativo de Ourense.