O PP di que non caerá na provocación de Abascal tras chamarlle Juanma "Moruno" ao presidente andaluz

O líder de Vox arrancou a precampaña en Andalucía co candidato do PP no punto de mira dos seus ataques.

"Temos a Juanma Moruno promocionando a invasión", dixo  Santiago Abascal. 

E por se alguén cría que tivera un lapso, el mesmo despexaba a dúbida, repetindo o mesmo xogo de palabras.

"Juanma Moruno, reivindicando a Blas Infante", "Juanma Moruno vendo pasar o tempo como a porta de Alcalá", insistía no seu mítin.

Pero a pesar da súa insistencia, do PP só obtivo a calada por resposta. Miguel Tellado, secretario xeral do partido, asegurou que non van entrar "en ningún tipo de provocación nin distración".

Mentres, no PSOE, arrancaron a súa precampaña con vídeos biográficos da súa candidata, María Jesús Montero, refrescando o seu pasado na política autonómica.