Publicador de contidos

O PP ameaza con ir á xustiza se o Goberno ocultou información sobre a pandemia

O PP ameaza con ir á xustiza se o Goberno ocultou información sobre a pandemia

Yolanda Díaz dixo que "viámolo vir" e que o resto do Goberno a tachou de alarmista

A vicepresidenta segunda fala de "polémica artificial"

Antón Montero 03/12/2021 19:06

A oposición reclamalle á vicepresidenta segunda do Goberno que dea explicacións no Parlamento sobre o que sabía da gravidade da pandemia en marzo do ano pasado.

Yolanda Díaz desvelou onte que daquela "viamos o que ía pasar. Tanto foi así que o 4 de marzo presentei unha guía que foi enormemente polémica dentro do Goberno e fóra. Acusáronme de ser unha alarmista".

Refírese a unha guía sobre como actuar nos centros de traballo no caso de detectar algún positivo que se presentou días antes da irrupción da pandemia en España. Daquela, a polémica saltara por actuar á marxe do Ministerio de Sanidade.

Agora a oposición retoma o asunto para acusar o executivo de ocultar a gravidade da situación para non frustrar as manifestacións feministas que se ían celebrar 4 días despois. Ciudadanos e VOX piden que Díaz compareza no Congreso.

O PP vai máis aló. Pablo Casado reclama unha comisión de investigación "e se non, solicitaremos que a fiscalía  abra dilixencias contra os responsables públicos que puideron ocultar informacíón".

Díaz lembrou que o PP xa lle preguntara daquela pola polémica e que tamén eles lle chamaron entón alarmista. "E hoxe está facendo exactamente o mesmo: xerar unha gran polémica artificial", dixo a vicepresidenta.

E o Goberno defende que sempre actuou seguindo o criterio dos científicos. A súa voceira, Isabel Rodríguez, asegura que "o Goberno actuou sempre para protexer a saúde de todos os españois e fixémolo da man dos expertos".

O executivo contrapón as críticas de Casado cos eloxios a España da Organización Mundial da Saúde a España pola xestión da crise.

Publicidade
Publicidade
Publicidade