O Pontevedra empata coa Ponferradina en Pasarón (1-1)
Granates e bercianos xogaron un tenso partido que se resolveu a balón parado
Os hunos pasaron por Pasarón e non deixaron medrar a herba.
O Pontevedra e a Ponferradina, dous dos aspirantes o ascenso, protagonizaron na quinta xornada un partido tenso e intenso, con moitas faltas, xogo subterráneo e continuas interrupcións do xogo que fixeron pensar que este era o partido decisivo.
Fútbol houbo pouco. As oportunidades escasearon e os goles chegaron en dúas xogadas a balón parado. O do Pontevedra no minuto 26 logo dun dobre remate de Argos y Elejalde desviado por Compa.
O fío do descanso, Alvaro Pérez reclamou un cobadazo de Aymane Jelbat noutra acción a balón parado que o colexiado non tivo en conta.
Os ánimos encendéronse o remate da primeira metade entre os xogadores dos dous equipos.
Antes de inciarse a segunda parte, Nafti aproveitou a pizarra para dar as últimas indicacións. E nada máis reanudarse o partido, San Emeterio logrou a igualada noutro remate o saque desde o recanto.
O tanto fixo que Adrián Abalo conectara con Rubén Domínguez para que lle transmitira as novas indicacións para o resto da segunda parte.
Un período no que apenas houbo perigo, salvo un remate de Argos ao que respondeu de León cunha boa xogada individual. Finalmente, un a un nun partido de alta tensión.
