O Polvorín perde contra o Valladolid Promesas no tempo engadido

O Polvorín asómase á zona perigosa logo de sumar a primeira derrota da temporada, nun partido contra o filial do Real Valladolid que puido caer para calquera dos dous bandos. O certo é que os lugueses sufriron o acerto rematador de Cuqui, que adiantou por dúas veces o seu equipo. Conseguiron empatar os de Trashorras por medio de Ramos e de Ces Cotos, cun gran movemento na área. 

Entrou entón o partido nunha fase en que calquera dos dous equipos puido meter o gol da vitoria. Pero esta marchou cara a Pucela no minuto noventa e tres. Un rexeitamento de Julen, que tivo outra boa actuación, recolleuno Cedric e anotou o dous a tres para desatar a tolemia dos seus.