O Pazo de Lourizán prepárase para unha nova vida: o edificio principal converterase nun hotel con restaurante e sala de exposicións

Os traballos técnicos sobre a avaliación do estado de Lourizán acaban de rematar, un paso máis cara ao proxecto de rehabilitación integral deste espazo histórico. 

O obxectivo é recuperar todo o recinto de Lourizán para darlle unha nova vida, comezando pola rehabilitación do seu edificio principal.

Xunto ao hotel de catro estrelas, a rehabilitación estenderase ás demais contrucións anexas, como o hórreo e o antigo sequeiro. Todo sen perder de vista a vinculación do recinto co sector forestal

A finais deste ano comezarán as obras, cun investimento de máis de dezasete millóns de euros por parte da Xunta de Galicia, que prevé o remate do proxecto para o 2027.