O Olimpique Lyonnnais será o rival do Celta no Memorial Quinocho

O rival do Celta na presentación desta temporada será o Olimpique Lyonnais. O equipo francés confirmou que estará en Balaídos o vindeiro sábado 29 de xullo (20:00 horas) no partido en que os afeccionados poderán ver por primeira vez o equipo de Rafa Benítez. 

O club quixo elixir un rival especial para o Memorial Quinocho do Centenario. O cadro francés ten un gran palmarés, con sete Ligas e cinco Copas de Francia como torneos máis importantes. Trátase dun histórico do fútbol francés e europeo que pretende discutirlle esta temporada a supremacía ao Paris Saint Germain.