O Obradoiro perde na prórroga no Nou Congost (100-99)

Partido duro para os de Diego Epifanio, que poñían a proba a súa capacidade para decidir partidos ante o colista da Liga Endesa, o Manresa. O encontro estivo empatado desde o primeiro cuarto, cun Obradoiro mellor nas arrancadas co seu rival, pero sen tanto acerto nos últimos minutos de cada tempo. Así, deixou escapar a vitoria por só un punto nun partido que foi ata a prórroga. 

Soriano e Brandon Childress mandaron sobre o aro con 30 e 23 puntos respectivamente. De novo, a falta de acerto de tres lastrou ao Obradoiro, que suma xa catro derrotas (fronte a tres vitorias) no seu regreso a ACB.