O Obradoiro ficha a Marcus Paige

O Obradoiro chegou a un acordo con Marcus Paige para a súa contratación para a temporada 2022-23.

Escolta de 1.83 metros e 29 anos, procede do Orleáns francés onde promediou 9.9 puntos, 3.4 asistencias e algo máis dunha recuperación en 30 minutos de xogo.

Antes estivera tres temporadas no Partizán de Belgrado tras pasar pola G League estadounidense. Fora elixido no posto 55 do draft da NBA no ano 2016.