O Obradoiro apaña no Palau Blaugrana a cuarta derrota consecutiva (108-83)

O Barcelona non deu opción á sorpresa. Amosou a razón do seu bo momento, de por que levaba oito vitorias seguidas. Da man de Martin e Brizuela tomou rápido dez puntos de vantaxe, que serían 15 no segundo cuarto. O Obra tirou de coraxe e buscou as súas opcións dentro, con Soriano; oito puntos na primeira parte. E marchou nove abaixo ao descanso. 51-40. 

A volta aguantou cun inspirado Childress o terceiro cuarto. Parcial 22-22. Pero no último o Barça esnaquizou o choque. 35 puntos anotou, con Martin e Parra como estiletes. 

108-83 foi o resultado final. Cuarta derrota seguido do Obra que segue a ter un serio problema coa tripla. Esta xornada 8 de 31. Un pobre 26 por cento.