O módulo estadounidense Odiseo fai historia tras chegar á superficie lunar
O módulo estadounidense Odiseo fai historia tras chegar á superficie lunar
O módulo Odiseo, da compañía Intuitive Machines, alcanzou este xoves con éxito a superficie lunar tras engalar hai sete días desde Florida e logrou o fito de ser a primeira nave estadounidense que alúa tras a misión Apollo 17 de 1972.
Pouco despois da hora prevista, as 16:24 hora local do leste estadounidense (21:24 GMT), os controladores da misión confirmaron que o módulo pousou preto do cráter Malpert A, a uns 300 quilómetros do polo sur lunar, onde permanecerá aproximadamente uns sete días ata que chegue a noite nesta rexión e quede inoperable.
“Odysseus has a new home” https://t.co/oVgLobxH8T
— Intuitive Machines (@Int_Machines) February 22, 2024
Odiseo, como se chamou a este módulo da serie Nova-C fabricado pola firma con sede en Houston (Texas), que despegou o 15 de febreiro desde Florida propulsado por un foguete Falcon 9 de SpaceX, erixiuse hoxe tamén na primeira nave privada estadounidense que alcanza o satélite natural.
Falcon 9 launches 22 @Starlink satellites from California pic.twitter.com/FXFhwrKbRF
— SpaceX (@SpaceX) February 23, 2024
