O lixo continúa amoreándose nas rúas da Coruña
O lixo continúa amoreándose nas rúas da Coruña
Os traballadores da concesionaria rexeitaron un preacordo para reorganizar as quendas
Desde hai un par der semanas as rúas da Coruña ofrecen unha imaxe que, máis aló do estético, preocupa por insalubre. O lixo reborda os colectores e amoréase nas rúas de maioría dos barrios. Todo por un conflito entre os traballadores e a empresa concesionaria do servizo que non ten visos de solución inmediata.
A empresa PREZERO e o sindicato maioritario, investigado xudicialmente por delitos de corrupción, branqueo de capitais e estafa, manteñen aberta unha disputa pola organización das quendas e a actualización salarial. Non hai unha folga convocada oficialmente como tal, pero desde que empezou febreiro o servizo de retirada do lixo está moi lonxe de cumprir cos mínimos recollidos no contrato.
O Concello advertiu que tomará medidas se a situación non se corrixe. Nas últimas horas, os traballadores votaron en contra dun preacordo para poñer fin a esta folga encuberta.
