Besteiro acusa a Rueda de castigar a provincia de Lugo nos orzamentos

O líder do socialistas galegos, José Ramón Gómez Besteiro, acusa a Xunta de castigar a provincia de Lugo, por marxinala nos investimentos previstos nas contas do ano que vén. 

"A Xunta trata esta provincia do mesmo xeito que o ano pasado, como unha peza de cambio político, en definitiva sen preocupacións por esa Galicia interior que representamos Lugo e Ourense. Son as dúas provincias ás que no ano 2022 e no ano 2023 dos fondos territorializados, que van destinados fundamentalmente a Lugo e Ourense, lles tocaron cero euros".