O Liceo suma a quinta vitoria consecutiva e consolida a terceira posición

O Liceo sumou diante do Lleida a quinta vitoria consecutiva e consolida a terceira posición da OK Liga, a tres puntos do Noia Freixenet. Os goles de Fabrizio Ciocale e Fran Torres 'Tombita' decidiron o partido contra os ilerdenses que se atoparon contra o muro defensivo do Liceo. 

Os de Juan Copa comezan a ter o punto de forma axeitado antes de afrontar o treito final da competición para quedaren no mellor posto de cara aos play offs. A vindeira semana visitarán a pista do Xirona e logo terán que xogar case de xeito consecutivo contra Barcelona, Reus ou Noia, contra o que rematarán a competición e que agora mesmo podería ser un duelo de semifinais.