Publicador de contidos

Publicador de contidos

O Goberno pídelle a Núñez Feijóo ser "oposición de Estado"

O Goberno pídelle a Núñez Feijóo ser "oposición de Estado"

O novo líder do PP dille ao Executivo que inclúa algunha das súas propostas se quere o apoio do principal partido da oposición para sacar adiante o plan contra a suba dos prezos

O Goberno asegura que os acordos da Palma están nas medidas para paliar a alta inflación

Encontro na Moncloa entre Sánchez e Feijóo (Arquivo) Encontro na Moncloa entre Sánchez e Feijóo (Arquivo)
G24.gal 05/04/2022 14:27

O Goberno agarda que a reunión deste xoves entre Pedro Sánchez e Alberto Núñez Feijóo, no que será o primeiro contacto entre ambos desde que o presidente da Xunta foi elixido para liderar o PP, sirva para recuperar consensos básicos "que nunca deberon perderse".

A portavoz do Goberno e ministra de Política Territorial, Isabel Rodríguez, expresouse así na conferencia de prensa posterior ao consello de Ministros, onde lle pediu a Feijóo que faga "unha oposición de Estado". "Non se predica, practícase", dixo Rodríguez sobre esa forma de oposición e solicitoulle unidade na resposta á guerra de Ucraína, tamén nas medidas económicas.

Para Feijóo, a prioridade dese encontro ten que ser falar da situación económica de España e das medidas a adoptar para paliar a alta inflación. Pídelle ao presidente do Goberno que inclúa algunha das súas propostas se quere o apoio do principal partido da oposición ao seu plan de choque.

Feijóo é crítico coa ausencia das rebaixas fiscais prometidas na Conferencia de Presidentes no plan do executivo, que lle parece un "parche", preguntouse se se vai tramitar como proxecto de lei para poder emendalo e avisou de que non pode apoialo si mente aos españois achacando a alta inflación unicamente á invasión rusa.

Isabel Rodríguez respondeulle que non prevén acometer cambios no decreto polo que o Executivo aprobou o Plan de resposta ás consecuencias da guerra e que, no caso de ter que estender as medidas máis aló do 30 de xuño e tramitalo entón como proxecto de lei, estarían dispostos a escoitar.  

"Este é un plan extraordinario que oxalá non haxa que exporse a que teña que estar en vigor máis aló do 30 de xuño e, por tanto, que non fose necesario ter que irnos a unha tramitación como proxecto de lei. Pero, se o fose, por seu posto estariamos dispostos a escoitar", asegurou.  

A portavoz defendeu que o Goberno cumpriu cos acordos que se adoptaron na última Conferencia de Presidentes na Palma en materia de rebaixas fiscais e convidou á oposición a revisar os textos que asinaron. "Cumprimos, non é cuestionable, é constatable", salientou.

Publicidade
Publicidade
Publicidade
Pódeche interesar

Publicador de contidos