Cargando resultados...
O Goberno de España destinará 15 millóns a impulsar a formación en fotónica en Vigo
Anunciouno en Vigo o ministro para a Transformación Dixital nunha visita para coñecer o proxecto da primeira planta de chips fotónicos de España que se instalará na cidade
O ministro Óscar López co alcalde de Vigo, Abel Caballero
G24.gal
31/07/2025 15:51
A Universidade de Vigo recibirá 15 millóns de euros por parte do Goberno de España e da Unión Europea para impulsar a formación en fotónica.
Anunciouno en Vigo o ministro para a Transformación Dixital, Óscar López, nunha visita para coñecer o proxecto da primeira planta de chips fotónicos de España que se instalará na cidade.
Fabricará semicondutores para as fibras de comunicacións, biomedicina ou informática, que permitirán a Europa ter independencia fronte a Asia e Estados Unidos.
O proxecto, que naceu na Universidade de Vigo, estará operativo no 2027.
