O Ensino saca da pista o Leganés (85-60)
O Ensino saca da pista o Leganés (85-60)
Cun gran primeiro cuarto, o equipo de Lugo conseguiu a vitoria máis cómoda da temporada
Chegaban o Ensino e o Leganés empatados con catro vitorias pero sobre a pista do Pazo só houbo un equipo. O equipo de Lugo gañou o partido máis cómodo da temporada (85-60). O primeiro cuarto resultou decisivo. O Ensino rozou a perfección tanto en ataque como en defensa (27-11) e conseguiu unha marxe que lle serviu para levar o encontro con moita comodidade.
Xa no segundo cuarto as diferenzas marcharon por riba dos vinte puntos. No tempo de lecer o resultado marcaba un contundente 46-26. Á volta dos vestiarios o partido tivo un perfil pouco habitual co Ensino mantendo a diferenza e o Leganés tentando maquillar un pouco a derrota.
Ane Olaeta e Blanca Millán fóronse ata os 15 puntos ben acompañadas por Lydia Giomi (13) e Lorena Segura (12).