O director noruegués Joachim Trier arrebátalle o BAFTA a Oliver Laxe

A película norueguesa Valor Sentimental, do cineasta Joachim Trier, conseguiu o premio BAFTA na categoría de mellor película de fala non inglesa durante a gala celebrada este domingo en Londres.

O filme, que partía como favorito neste apartado tras acumular oito nomeamentos, arrebatoulle o triunfo á cinta española Sirat, do director franco-galego Óliver Laxe, e alzouse coa máscara dourada.

Na mesma sección competían a película brasileira O axente secreto, de Kleber Mendonça Filho; a iraniana Un simple accidente, de Jafar Panahi, ou A voz de Hind, da tunisiana Kaouther Ben Hania.