O desprendemento dunha rocha sobre varias lanchas nun lago no Brasil deixa polo menos 6 mortos
O desprendemento dunha rocha sobre varias lanchas nun lago no Brasil deixa polo menos 6 mortos
Hai unha vintena de desaparecidos
Unha enorme rocha dun cantil nun dos turísticos canóns do Capitolio na rexión de Minas Gerais, no Brasil, desprendeuse e golpeou cando menos dúas embarcacións de recreo no lago Furnas.
As primeiras informacións desde o lugar apuntan ao falecemento de seis persoas, e os bombeiros buscan unha vintena de desaparecidos. Tamén se investiga como se produciu o accidente, gravado desde outras lanchas que estaba na auga.
Os canóns do lago Furnas chaman a atención polos seus cantís de máis de 20 metros de altura. É un lugar frecuentado por turistas que viaxan en embarcacións para admirar as formacións rochosas e que se mergullan nos lagos e ríos locais.
URGENTE!!! Pedras se soltam de cânion em Capitólio, em Minas, e atingem três lanchas. pic.twitter.com/784wN6HbFy
— O Tempo (@otempo) January 8, 2022